ආචාර්ය ජයන්ත දසනායක ප්‍රධානත්වයෙන් ජාතික ක්‍රීඩා විද්‍යායතනයේ දී විශේෂ සම්මන්ත්‍රණයක්….
තරුණ කටයුතු සහ ක්‍රීඩා අමාත්‍යංශයෙහි අනුබද්ධ ආයතනයක් වන ජාතික ක්‍රීඩා විද්‍යා ආයතනය මඟින් සංවිධානය කළ ශ්‍රී ලංකා ප්‍රජාව බෝ නොවන රෝග වලින් වලක්වා ගැනීම හා ව්‍යායාම වලින් පුනරුත්තාපනය කිරීම පිළිබඳ දැනුවත් කිරීමේ සම්මන්ත්‍රණය අද ක්‍රීඩා විද්‍යා ආයතන ශ්‍රවණාගාරයේ දී පැවැත්විණි. මෙම සම්මන්ත්‍රණය මෙහෙයවන ලද්දේ, ජාතික ක්‍රීඩා විද්‍යා ආයතනයේ වසර ගණනාවක සිට ක්‍රීඩා පෝෂණය පිළිබඳ කථිකාචාර්යවරයෙකු ලෙස සේවය කළ ආචාර්ය ජයන්ත දසනායක මහතා විසිනි.
එහිදි රාජ්‍ය සේවායේ නියුතු නිලධාරින් හා සමස්ථ ප්‍රජාව නිරෝගිමත් දිවිපෙවතක් සඳහා ව්‍යායාම යොදාගත යුතු බවත්, එමගින් බෝනොවන රෝග හේතුවෙන් සමාජිය ආර්ථික වශයෙන් උද්ගත වි ඇති ගැටලුකාරි තත්ත්වය සමනය කර ගත හැකි බවත්, එදිනෙදා ජිවන රටාව තුළ ව්‍යායාමවල බාල , තරුණ, මහලු සි‍යලුම දෙනා දෛනිකව යොමු විය යුතු බවත්, එමඟින් වර්තමානයේ 80% පමණ වන බෝ නොවන රෝගින් ප්‍රමාණය අනාගතයේදි අවම කර ගත හැකි වන බව ප්‍රකාශ කරන ලදී.
මෙම දේශණය සඳහා ජාතික ක්‍රීඩා විද්‍යා ආයතනයේ අධ්‍යක්ෂ සජිත් ජයලාල් මහතා ,හිටපු ජ්‍යෙෂ්ඨ කථිකාචාර්ය සිසිර ද සිල්වා මහතා හා ජාතික ක්‍රීඩා විද්‍යා ආයතනයේ හිටපු ලේඛකාධිකාරි සමන් සමරකෝන් මහතා , තරුණ කටයුතු හා ක්‍රිඩා අමාත්‍යාංශයේ සහකාර අධ්‍යක්ෂ(සැලසුම්) වාසනා ප්‍රේමරත්න මහත්මිය සහ ක්‍රීඩා වංචා විමර්ෂණ අංශයේ අධ්‍යක්ෂ පොලිස් අධීකාරි නිතිඥ චානක ද සිල්වා මහතා , තරුණ කටයුතු හා ක්‍රිඩා අමාත්‍යාංශයේ හා අනුබද්ධ ආයතන වල නිලධාරින් සහ ක්‍රීඩා පුහුණුකරුවන් සහභාගි විය.
