Cricket Domestic

Battle of the Maroons : 95 වැනි සුලෝහිත සංග්‍රාමයෙන් ආනන්ද සහ නාලන්දා විදුහල්වල ක්‍රීඩා සංවර්ධනයට රුපියල් මිලියන 25 ක්…..

Battle of the Maroons : 95 වැනි සුලෝහිත සංග්‍රාමයෙන් ආනන්ද සහ නාලන්දා විදුහල්වල ක්‍රීඩා සංවර්ධනයට රුපියල් මිලියන 25 ක්…..
  • PublishedNovember 24, 2025

කොළඹ ආනන්ද විදුහල සහ නාලන්ද විදුහල අතර පැවැත්වූ 95 වැනි සුලෝහිත සංග්‍රාම මහ ක්‍රිකට් තරඟයෙන් ලද ආදායමෙන් දෙවිදුහල්වල ක්‍රීඩා සංවර්ධන අරමුදලට අරමුදල් ලබාදීම, මහ ක්‍රිකට් තරඟයට අනුග්‍රාහකත්වය දැක්වූ සියලුම අනුග්‍රාහකයින් වෙත උපහාර පුදකිරීම සහ 2026 සුලෝහිත සංග්‍රාමයේ අනුග්‍රාහක අවස්ථා පිළිබඳ අනුග්‍රාහතයින් දැනුම්වත් කිරීම වෙනුවෙනුත් සංවිධානය කළ ” Maroons Salutation & The Ground Breaker” Cinnamon Grand හෝටලයේ දී පැවැත්වුණා..

සුලෝහිත සංග්‍රාම ඒකාබද්ධ සංවිධායක කමිටුව “සුලෝහිත සංග්‍රාමය” සංවිධානය කරන්නේ ආනන්ද නාලන්ද දෙවිදුහල්වල ක්‍රීඩා සංවර්ධනය වෙනුවෙන් අරමුදල් රැස්කිරීමටයි. ඒ අනුව 95 වැනි සුලෝහිත සංග්‍රාම මහ ක්‍රිකට් තරඟයෙන් රැස්කළ අරමුදල්වලින් ආනන්ද නාලන්ද දෙවිදුහල්වල ක්‍රීඩා සංවර්ධනය වෙනුවෙන් රුපියල් මිලියන 25ක් ලබාදීම මෙලෙස සිදුකෙරුණා.

එසේම 2026 වසරේ පෙබරවාරි 27, 28 සහ මාර්තු 01 වැනිදා පැවැත්වීමට නියමිත 96 වැනි සුලෝහිත සංග්‍රාමයේ නිල ප්‍රවේශපත්‍ර නිකුත් කිරීමද මීට සමගාමීව ආරම්භ වුණු අතර එහිදී කීර්තිමත් ආනන්දීයයෙකුවන ප්‍රවීණ ක්‍රිකට් ක්‍රීඩක බ්‍රෙන්ඩන් කුරුප්පු සහ කීර්තිමත් නාලන්දීයයෙකුවන ප්‍රවීණ ක්‍රිකට් ක්‍රීඩක හේමන්ත දේවප්‍රිය වෙත සංකේතාත්මකව ප්‍රවේශපත්‍ර ලබාදීම මෙහිදී සිදු කරුණා.

මෙම අවස්ථාවට ආනන්ද සහ නාලන්දා විදුහල්වල විදුහල්පතිවරුන්, සුලෝහිත සංග්‍රාම ඒකාබද්ධ සංවිධායක කමිටුවේ සම සභාපතිවරුන්වන උපාලි ධර්මදාස සහ මහේල ජයවර්ධන, අනුග්‍රාහකභවතුන්, ආදි සුලෝහිතයින් ඇතුළු විශාල පිරිසක් සහභාගී වී සිටියා.