රනිත්මා සහ විරේන් ලෝක වර්ගීකරණයේ ඉදිරියට.

ලෝක බැඩ්මින්ටන් අලුත්ම ක්‍රීඩක ශ්‍රේණිගතකිරීම් වලට අනුව කනිෂ්ඨ අංශයේ ලොව පස්වැනි ස්ථානය හිමිකරගැනීමට ශ්‍රී ලංකාවේ ජාතික ශූරිය රනිත්මා ලියනගේ සමත් වුණා.

18 හැවිරිදි රනිත්මා ලෝක බැඩ්මින්ටන් ශ්‍රේණිගතකිරීම්හි ද ස්ථාන 10ක් ඉදිරියට පැමිණෙමින් 101 වන ස්ථානය හිමිකරගැනීමට සමත් වී තිබීම විශේෂත්වයක්.

ඇය එංගලන්ත කනිෂ්ඨ කේවල බැඩ්මින්ටන් ශූරතාවය දිනාගන්නට පසුගිය මාසයේදී සමත් වූ අතර ලෝක බැඩ්මින්ටන් ශූරතාවලියේ ද අවසන් 32 වටය තෙක් ඉදිරියට පැමිණීමට සමත් වුණා.

මේ අතර විරේන් නෙත්තසිංහ ද සිය හොදම ශ්‍රේණිගතකිරීම් ස්ථානය වාර්තා කරමින් ලෝක වර්ගීකරණය 58 වන ස්ථානය හිමිකරගැනීමට සමත් වී තිබෙනවා.

ඔහු ලෝක ශූරතාවලියේ දැක්වූ දක්ෂතා හමුවේ ස්ථාන 18කින් ඉදිරියට පැමිණ තිබෙනවා.